AKUALen webinarra: «Ura eta generoa: eskubidea, erantzukizun partekatua eta gobernantza»
AKUAL programaren baitan, «Ura eta generoa: eskubidea, erantzukizun partekatua eta gobernantza» nazioarteko webinarra egingo da datorren asteazkenean, 2026ko uztailaren 1ean. Topaketa birtual honen helburua ur eta saneamendu proiektuetan genero-berdintasuna nola txertatzen den sakontzea da. Saioak izaera tekniko eta pedagogikoa izango du, 90-100 minutu inguru iraungo du, eta batez ere Euskadiko zein Latinoamerikako uraren sektoreko profesional, teknikari eta erakundeetako ordezkariei zuzenduta dago.
Ekimen honen bidez, genero-desberdintasunek emakume eta neskatoengan duten eragin neurrigabea jendaurrean landu nahi da, batez ere ur-baliabideen eskuragarritasunari eta kudeaketari dagokionez. Topaketa honetan, antolatzaileek beren esparru kontzeptualak eta bertako esperientzia metodologikoak azalduko dituzte. Horrez gain, adituekin eztabaida irekia sustatuko da, eta Erdialdeko Amerikako ur-programetan hartutako erabaki zein inbertsioen inguruko kontu-emate garden bat egingo da.
Webinarraren egitura
Saioari eta instituizoen harrerari 08:30ean emango zaie hasiera ofiziala (El Salvadorreko ordutegian) eta 16:30ean (Espainiako ordutegian). Programan plataformako arduradunek hartuko dute parte: hasteko, Karina Povedak eskubideen ikuspegiari buruzko bloke pedagogikoa eskainiko du, eta, jarraian, Yesenia Segoviak bertako esperientzia praktikoak aurkeztuko ditu. Ondoren, Juanma Balerdik AKUALen koherentziari eta kontu-emateari buruzko atala gidatuko du. Azkenik, Sandra Salazarrek eta Aitor Landak moderatutako solasaldi eta hausnarketa irekiari bidea emango zaio, antolatzaileek saioari amaiera eman aurretik.
Nola parte hartu
Topaketa doakoa da eta Zoom plataformaren bidez egingo da online, bi eskualdeetako eragileen arteko lotura errazteko. Erakunde-ekitaldia denez eta eztabaidetan parte hartzeko lekua mugatua denez, AKUAL inguruko kide eta eragile interesdunek izena emateko formulario ofiziala bete eta bidali behar dute. Izena emateko azken eguna gaur da, 2026ko ekainak 25, osteguna. Behar bezala erregistratutako erabiltzaile guztiek garaiz jasoko dute gelara sartzeko esteka pertsonalizatua posta elektronikoz.
